Breaking News
Home / Education / طريقة الاعفاء من التجنيد الاجباري بالدارجة : انا باقي كنقرا وعيطوا لي الخدمة العسكرية شنوا المعمول ؟

طريقة الاعفاء من التجنيد الاجباري بالدارجة : انا باقي كنقرا وعيطوا لي الخدمة العسكرية شنوا المعمول ؟

الاعفاء من التجنيد الاجباري بالدارجة : انا باقي كنقرا وعيطوا لي الخدمة العسكرية شنوا المعمول ؟

أنا باقي كانقرا و عيطوا لي للخدمة العسكرية 😨 شنو المعمول 😟

بناء على النصوص القانونية والمذكرات الوزارية الصادرة في هذا الشان 

كيفما فخباركم ، بدات عملية إحصاء و استدعاء الشباب و الشابات البالغين من 19 الى 25 سنة من أجل الخدمة العسكرية 🤷🏻‍♂ لي كاتهم بالأساس الشباب الغير مزاولين لأي نشاط مهني و المنقطعين عن الدراسة 🤔 لكن ممكن حتا الطلبة و المتدربين لي باقي كايقراو ممكن أن تتم المناداة عليهم فهاد الفترة 😳 إذا شنو المعمول و كيفاش يمكن ليك تستافد من الإعفاء من الخدمة العسكرية بلا مايتابعوك او يبرزطوك 😒 ؟

الطلبة لي كايقراو فالكليات أو المدارس أو المعاهد العليا أو التكوين المهني سواء فالقطاع العمومي أو القطاع الخصوصي ، لي وصلوا الإشعار بأنه مدعوا للخدمة العسكرية أول حاجة كايديرها هي كاتمشي لإدارة المؤسسة فين كاتقرا و كاتطلب منهم يعطوك شهادة مدرسية كاتثبت أنك تتابع الدراسة او التكوين فهاد السنة 2019/2018
من بعد كاتعمر طلب خطي قصد الإعفاء من الخدمة العسكرية و النموذج ديال هاد الطلب غاتلقاوه فالرابط  أسفله .
الخطوة الموالية هي فحدود 20 يوم على الأكثر من التاريخ لي وصلك فيه الإشعار كاتدي الطلب + الشهادة المدرسية للقيادة أو العمالة لي نتا تابع ليها و ضروري جدا أنك فاش تعطيهم الملف ديالك خاصك تشد من عندهم وصل إيداع و يكون مكاشي من عندهم ، باش فحالة من بعد جاو عندك للدار و قالوا ليك جمع شاكوشك مالك تعطلتي 😖 ! كاتوريهم وصل الإيداع على أساس أنك دفعتي طلب الإعفاء 😆

و بهاكا كاتكون درتي لي عليك و تهنيتي من هاد صداع الراس مؤقتا 😣 !! آه مؤقتا حيت بالنسبة للدراسة راه كايعطيو إعفاء مؤقت يعني كايصبرو عليك حتا تسالي قرايتك و من بعد ممكن يعيطوا ليك 🤦🏻‍♂ ديك الساعة فحالة ساليتي قرايتك و نتا باقي ماوصلتي 25 سنة و مابغيتيش تمشي للتجنيد ، الحل لي عندك هو تلقى خدمة (خدمة بالوراق يعني مصرح بيك قانونيا أنك أجير أو موظف)

نتمنى نكون عطيتكم فكرة على كيفاش تستافدو من الإعفاء من آداء الخدمة العسكرية و حتا نتوما بارطاجيو وصلوا هاد المعلومات لخوتكم الطلبة و الطالبات 😍🥰

 إسحاق غانم .

لتحميل الطلب والمزيد من المعلومات  اضغط هنا 

 

Articles Similaires

About Rachid Jenkal

JENKAL RACHID Professeur de physique -chimie au lycée AIT BAHA , Direction Provinciale Chtouka ait baha ,

Check Also

التنسيق الخماسي بقطاع التعليم يصدر بيانا شديد اللهجة تجاه وزارة امزازي بعد نشر الاخيرة بلاغا تهدد فيه الاساتذة

التنسيق الخماسي بقطاع التعليم يصدر بيانا شديد اللهجة تجاه وزارة امزازي بعد نشر الاخيرة بلاغا …

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

 

error: Content is protected !!